世盃種籽隊出爐　英意都冇份

國際足協周四公佈最新世界排名，仲決出咗明年世盃決賽周嘅種籽球隊，分別係主辦國巴西、西班牙、德國、阿根廷、哥倫比亞、比利時同瑞士，至於第8隊會係烏拉圭或者荷蘭。烏拉圭要同約旦踢附加賽爭出線，如果佢哋輸咗，最後一個種籽席位就會係荷蘭。另外，歐洲區附加賽嘅4支種籽隊都出爐，有葡萄牙、希臘、克羅地亞同烏克蘭；換句話講，葡萄牙有機會下周一抽中對法國或瑞典，到時兩支強隊只能活一隊。
英格蘭雖然世界排名急升7位，上到第10，但係佢哋同意大利（藍衫）都無緣做決賽周種籽隊，所以喺世盃小組賽，英意有機會同巴西等勁旅同組，形成死亡之組。世盃嘅分組抽籤會喺12月6號舉行。
另外，周二喺亞盃外以0:4不敵阿聯酋嘅香港，世界排名冇升跌，維持148，而中國就微升兩位至97。

[img]http://static.apple.nextmedia.com/images/apple-photos/apple/20131018/large/18s2-504p.jpg[/img]


來源:蘋果日報網站